Um MEA

Orðið MEA merkir á latínskum „mín familja“. Endamálið við MEA er, at skapa góð sambond millum menniskju bæði í parlagi og uttan fyri parlag.

​

Góð sambond millum menniskju hava stóran týdning. Tá ið okkkurt kemur millum góðu sambondini – tað kann vera ósemjur ella annað – ella tá ið sambond brotna, er sorg og missur ein avleiðing. 

Alt ov nógv børn og vaksin líða, tí at tey ikki trívast í teirra tøttu sambondum, og tað gongur út yvir tað einstaka menniskja, familjuna og samfelagið bæði nú og í framtíðini.

MEA arbeiðir fyri tryggleika og trivnaði millum menniskju.

 

Endamál sjálvsognarstovnsins er at skapa góðar relatiónir millum menniskju, bæði í og uttan fyri parlagið. Endamálið er at geva foreldrum og børnum teirra amboð og hjálp fyri at styrkja um familjulívið og hvønn einstakan.

MEA arbeiður fyri tryggleika og trivnaði í samspælinum millum menniskju. Vit vilja styrkja relatiónir og fyribyrgja mistrivnaði gjøgnum upplýsing, útbúgving og terapi – til gleði fyri børn, ung og vaksin.

Vit styrkja tann einstaka, familjuna, parlagið og foreldrasamarbeiðið eftir møguligan skilnað.