top of page
Tilmelding til verkætlan “Kom aftur til parlagið”
Tilmelding til verkætlan “Kom aftur til parlagið”

týs. 06. feb.

|

Verkætlan

Tilmelding til verkætlan “Kom aftur til parlagið”

Vit sóknast eftir luttakarum til verkætlanina "Kom aftur til parlagið"

Nær og hvar?

06. feb. 2024, 19:00 – 29. feb. 2024, 19:00

Verkætlan, Faroe Islands

Innihald

Kom aftur til parlagið

Endamálið við verkætlanini er at styrkja um trivnaðin hjá barninum við at stimbra parlagið, ta tíðina tá ið børn koma inn í familjuna, og tvey blíva til trý -ella fýra, ella fimm. Við at byggja víðari á mammubólkarnar og føðifyrireikingarnar, sum vit í Føroyum kenna so væl, ynskja vit við tykkara hjálp, at víðarimenna eitt tilboð, ið vendir sær til bæði foreldrini. Henda verkætlanin skal verða við til at ger tað eins nattúrligt at tosa um parlagið og føðing, sum tað er at tosa um bróstageving og føðing. Við verkætlanini ynskja vit at framleiða føroyskt tilfar, ið tekur støðið í føroyskum pørum og viðurskiftum.

Luttøka

Tit sum ynskja at luttaka, eru knýtt at verkætlanini í 1 ár tilsamans. Luttøkan inniber, at tit deila tykkara upplivingar og meiningar frá lívinum sum par við barni/børnum. Hettar verður gjørt í spurnarblaði og samrøðu, eins og í undirvísing. Foreldrapørini verða deild upp í tveir bólkar, eftir at nóg nógvar samrøður eru gjørdar.

Fyri bólk 1 sær gongdin soleiðis út:

- tit hava eina byrjunarsamrøðu og eina endasamrøðu við MEA á áleið 1 tíma.

- tit fylla út eitt spurnarblað í byrjanini av árinum, og aftur tá ið árið er liðið.

Fyri bólk 2 sær gongdin soleiðis út:

- tit hava eina byrjunarsamrøðu og eina endasamrøðu við MEA á 1 tíma.

- tit fylla út eitt spurnarblað í byrjanini av árinum, og aftur tá ið árið er liðið.

- tit luttaka 3 ferðir í bólkaundirvísing, sum MEA stendur fyri.

Mannagongd

Tit melda tykkum bæði til á síðuni her, og síðani byrja vit eitt samskifti á teldupostinum, ið tit upplýsa okkum.

Tað er eitt krav fyri luttøku, at foreldraparið er í parlagi, tá ið samrøðurnar byrja í februar/mars 2024.

Sum tøkk fyri luttøku, fáa øll pør bókina Pas på parforholdet, av Mattias Stølen Due.

Deil á

bottom of page