Search

“Let´s talk about it

MEA luttók á Fjølmentanarvikuni 2022.

Fjølmentanarvikan, ella Multicultural week, er ein mentanarvika, sum Útlendingastovan og Tórshavnar kommuna, skipa fyri. Hettar landsfevnandi tiltakið, hevur sum endamál at fagna, fevna og varpa ljós á mentanarliga fjølbroytnið í føroyska samfelagnum.


Í ár var vikan í tíðarskeiðinum 14-21 oktobur. Hesa vikuna, varð heitt á stovnar, arbeiðspláss og felagsskapir kring landið, um at luttaka á ein hátt, ið hóskaði til virksemi teirra. MEA valdi tí at luttaka við tí fyri eygað, at varpa ljós á tað tvørmentanarliga parlagið.


Í hugnaliga kafeumhvørvinum á Biskupstorginum, skipaði MEA fyri parlagspráti, undir heitinum “Let´s talk about it…” Eitt hugnakvøld, har gestir komu á gátt til eitt prát í sofuni hjá Vígdis, leiðara í MEA. Gestirnir vóru Elisabeth Steinberg úr Føroyum og maki hennara Phil Guyan úr Skotlandi, eins og Igor Klein úr Føroyum og maki hansara Karen Klein úr Kolumbia

Prátið snúði seg um alt tað, sum er avbjóðandi, eins og tað sum er heilt einastandandi, tá ið tvey skulu finna hvørt annað í einum parlagi. Eisini løgdu vit oyra til inniligu tónarnar frá Land of maybe, og Klaksvíkar sjónleikarafelag lýsti á skemtiligan hátt gerandisdagin, soleiðis sum pør flest munnu kenna hann.


Í steðginum gekk prátið lystiliga yvir eina skál av meksikanskari suppu, sum Fríða kafe borðreitti við. Eitt væleydna hugnakvøld, og var tað avgjørt áhugi ímillum gestirnir, fyri fleiri slíkum hugnakvøldum framyvir.




Tiltakið var stuðlað av Klaksvíkar kommunu.


3 views0 comments